നൊമ്പരങ്ങള്‍

വേര്‍പാടിന്റെ വേദനകള്‍  

ഓര്‍ക്കാന്‍ സുഖമുള്ള  

കുഞ്ഞു കുഞ്ഞു നൊമ്പരങ്ങള്‍ 

ഹൃദയത്തിന്റെ കോണില്‍ 

പതിയെ പതിയെ ആരോ 

കോറി വരയ്ക്കുംപോലെ 

നിമിഷമിതാ  അടുത്തെന്ന്  

പിരിയാന്‍........... 

നിമിഷമിതാ  അടുത്തെന്ന് 

നീ

 നീ ഒരു കവിയാണ്‌
നിന്റെ പ്രണയം ഒരു കവിതയും 
വായിക്കുംതോറും പല പല അര്‍ത്ഥതലങ്ങള്‍
തേടിപോകുന്ന കവിത 
വാചക കസര്‍ത്തുകളോ
വ്യാകരണങ്ങളോ  ഇല്ലാത്ത കവിത 
 സ്വപ്നങ്ങളും  മോഹങ്ങളും സമ്മാനിച്ച 
നഷ്ട്ട സ്വപ്നങ്ങളുള രാജകുമാരന്റെ  കവിത
 ആഴങ്ങളിലേക്കിറങ്ങി ചെല്ലുംതോറും
അര്‍ത്ഥശൂന്യമായ  കവിത
എനിക്കുവേണ്ടി എഴുതപ്പെട്ട
എന്റെ മാത്രം കവിത 

മഴ

"ഈശ്വര ഇവിടെ ഒരു മഴ പെയ്തിരുന്നെങ്കില്‍.......

 പ്രണയാഭാസത്തിന്റെ

 പ്രളയത്തെ മൂടാന്‍ പോന്ന

 സ്നേഹത്തിന്റെ പെരുമഴ" ...........

വിധി

തെറ്റിലേക്കാണോ ശരിയിലേക്കാണോ എന്നറിയാതെ

ഞാന്‍ യാത്ര ചെയ്തു ഒരുപാടു ദൂരം.......

ഒടുവില്‍ തിരിച്ചറിഞ്ഞു 

ആ യാത്ര എനിക്കു നേടിത്തന്നത് കണ്ണീരു മാത്രമാണെന്ന്,

പിന്തിരിഞ്ഞു നടക്കാന്‍ ശ്രമിച്ചപ്പോള്‍ ...

എനിക്കു മനസിലായി മഹാമാന്ത്രികനായ ആ വിധി,

എന്റെ വഴികള്‍ ഇരുട്ടുകൊണ്ടാടച്ചുവെന്ന്‍....

ഇന്നും ഞാന കണ്ണീരിന്റെ വഴിയിലൂടെ യാത്ര ചെയ്യുന്നു

 തിരിഞ്ഞു നടക്കാനാവാതെ.....

എന്റെ വേദന

ഒഴുകുകയാണ്.........

 മനസിന്‍റെ   നീറലുകള്‍
 ഒതുക്കിവച്ച   നൊമ്പരങ്ങള്‍
സ്വപ്‌നങ്ങള്‍ മാത്രം ബാക്കി നില്‍ക്കുന്ന...
നിശയുടെ നിരാശയുടെ
സംഗീതങ്ങള്‍...
തിരിച്ചു കിട്ടില്ലെന്നറിഞ്ഞിട്ടും
കൊടുത്തുപോയ  പ്രണയം
ഒരിക്കലും പിരിയരുതെന്നു കരുതിയ
സൗഹൃദത്തിന്‍റെ ഹൃദയങ്ങള്‍
വേര്‍പിരിയലിന്‍റെ തിടുക്കത്തോടെ
ഒഴുകുകയാണ്  

സ്നേഹം ഒഴുകുകയാണ് ......